Amigos e amigas, continuamos unha semana máis  na bibliopiscina de Bertamiráns e xa case apiques de rematar o mes de xullo.

Nestes dias de bo tempo entretivémonos co pinta e colorea, a plastilina, os crebacabezas, a lectura de libros….que combinamos cos xogos de mesa; dos cales triunfa o barco pirata dos pingüíns xogo moi divertido onde hai que conseguir  manter o equilibrio de todos os pingüíns enriba do barco. Si aínda non o coñeces, acércate a botarlle unha partida, serás capaz de conseguilo?

Ata a vindeira semana bibliopiscineiras e bibliopiscineiros!

Estas calurosas tardes de verán, fixéronse moito máis levadeiras para @s usuari@s da Bibliopiscina de Tapia; xa que logo dun bo chapuzón puideron desfrutar dunha morea de enredos, así tanto os maiores como os pequen@s divertíronse con diversos xogos de mesa, con puzzles, xogos no xardín; tamén se leron cómics, e “Os Bolechas” e “O Gato Lambón” foron algúns dos libros que máis gustaron.

Un sinfín de cousas que seguiremos realizando ata finais de verán.