Vimos de rematar o Campamento urbano de Nadal de Vilagarcía, este ano coa temática de “Xogos do Nadal”. Ao longo de oito xornadas nenas e nenos de 3 a 7 anos disfrutaron de moitos xogos diferentes, obradoiros de Nadal, tradicións e celebracións destes días e saídas. Velaiquí un pequeno resumo destas dúas semanas de actividades:

Xogos:

co xogo, actividade por excelencia da infancia,  nenos e nenas experimentan, aprenden, comprenden a realidade que os rodea, liberan tensións, desenvolven a súa imaxinación, enxeño…, é polo tanto unha ferramenta indispensable para o seu desenvolvemento. Estas xornadas no Campamento tivemos os seguintes xogos:

• Xogos cooperativos e   Xogos exteriores.
• Xogos populares.
• Xogos do mundo.
• Xogos de mesa.

Obradoiros, celebracións e tradicións do Nadal:

Entre as celebracións e tradicións destacamos:

• Celebración de Fin de ano, tradicións doutras culturas.
• Visita das Carteiras reais.
• Visita ao Belén de Valga.

Como obradoiros tivemos:

• Obradoiro de Papá Noel.
• Obradoiro de árbore de Nadal.
• Obradoiro de Xogos (memory cards e tres en raia).
• Obradoiro interxeracional na Residencia Divina Pastora (árbore de Nadal e adornos).

Un saúdo para todos os nenos e nenas participantes, e moitas grazas pola vosa ilusión e o voso  entusiasmo nestas datas do Nadal.