SAMAÍN EN CUNTIS!

Este luns, en Cuntis tivemos a sorte de celebrar o Samaín con un taller de máscaras terroríficas. Ademais, os nenos e nenas puideron pintar a cara ao seu gusto, para logo coa compañía dos pais/ nais e familia saír a unha procesión, onde percorremos lugares escuros de Cuntis coa iluminación de lanternas e candelabros.

TENEBROSA FESTA DE SAMAÍN!

O pasado venres 28, con motivo do Samaín, en Pontecesures realizouse unha festa para a súa celebración. Os nenos e nenas participaron no concurso de disfraces, e tamén no concurso de cabazas. Ademais, mentres os xoeces do concurso deliberan os gañadores, puidemos degustar dun rico chocolate quente e duns bailes moi divertidos, grazas a música elixida polo DJ. Por último entregaron os premios os gañadores e gañadoras, e un pequeno agasallo para todos e todas as asistentes.

COCIÑA DE SAMAÍN NA GALIÑA AZUL DE SIGÜEIRO

Pois si, nosos e nosas peques da galiña azul cociñaron por Samaín, e fixérono, por suposto, coa cabaza típica das datas.

Para empezar fixeron unha pequena cabaza con madalenas e crema de cabaza, aínda que algunha xa non chegou a casa, estaban tan boas!

Pero iso non foi todo! tamén as pantasmas quixeron facer acto de presenza para que non nos esquezamos que a noite de Samaín tamén eles saen a pasear, aínda que estes non daban nada de medo. Eran de masa de galleta con ollos de chocolate, así que no canto de sustos, deron máis dunha alegría.

Ideas e máis ideas

Todo material vale para poñer en marcha a nosa imaxinación. Poden sair cousas moi chulas e útiles e aquí tedes a proba do que se fixo esta semana.

Poñéndonos a punto nesta semana.

Empezou de novo o cole e con el os deberes e para facerlos de mellor gana temos decorar e ambientar o noso espazo. Tamén é moi importante ir gardando uns aforros para cousiñas que poidamos necesitar.

Ludoteca Nadal Pontecesures

Comezamos con esta ludoteca o día 22 de decembro que durou ata o 31 de decembro. Durante estes días festivo os cativos e cativas puideron disfrutar de distintas actividades tematizadas co Nadal e os contos.

Algunhas das manualidades que realizaron foron as chemineas de Santa Claus, bolas de Nadal, postais, a Carta aos Reis Magos, campás, gafas de Fin de Ano.

Tamén levamos a cabo actividades deportivas como xogos que lle gustaron moito a cativada como o Pato pato cúa, escondite Inglés, a seta, a Xincana de Nadal e outras non tan deportivas como os xogos de cartas que foron o “uno” e o burro.

Asimesmo gorazon de diversos contos como “Mamá Noel” e “A vendedora de mixtos” e de películas como “Polar Express” e “Arthur Christmas: Operación regalo”.

Para despedir a ludoteca e o ano, reproducimos as badaladas de Fin de Ano con gusanitos e divertímonos cunha festa musical chea de bailes e xogos.

Esperamos que teñades un bo comezo de ano e cás vosas crianzas disfrutaran destes días connosco.

Nadalízate en Vilagarcía de Arousa

As nenas e os nenos do Campamento de Nadal de Vilagarcía de Arousa pouco lle teñen que envexar os elfos de Papá Noel, traballaron nunha chea de obradoiros onde crearon os seus propios adornos para a árbore de Nadal e para a porta das súas casas, ademais fixeron postais para desexar unhas felices festas ós seus seres queridos.

Pero non todo foi traballar, tamén xogaron nos exteriores do centro, onde se alternaron xogos máis pausados como a mímica, ioga ou as adiviñas con outros con máis movemento, como a pataca quente ou a tea de araña. Entre as diferentes actividades realizadas tamén puideron ver películas de Nadal, coñecer ós “Trasnos de Nadal”  e dar a benvida o ano 2022 cunha festa con cotillón, tomando as súas “uvas” coas badaladas do mediodía.

Vémonos nas próximas edicións do campamento. Feliz ano 2022!.