Obradoiros Infantís da XXVI Festa do Lacón de Cuntis

Na tarde de onte, día Domingo 26 de febreiro, os pequenos e as pequenas de Cuntis puideron desfrutar de diferentes obradoiros infantís. Entre estes atopamos pintacaras, carteiras, imáns e marcapáxinas.

Con respecto a estes dous últimos poderíase dicir que foron unha estupenda oportunidade para que os pequenos e as pequenas deixasen voar a súa imaxinación, dando así lugar a unha gran variedade de deseños totalmente diferentes entre sí, que logo foron plastificados coa axuda dos monitores e monitoras.

Por último, o Pintacaras foi o punto final desta magnífica festa. A través deste os rapaces e rapazas puideron decidir o que querían ser por un momento, sen límites. Xurdiron así personaxes que ían dende supehéroes como Batman ou Spiderman, ata preciosas e delicadas  bolboretas ou flores.

Se tivésemos que destacar algo ao longo da xornada, non cabe dúbida de que serían os risos, dos nenos, das nenas e incluso dalgúns pais e nais que se achegaron a compartir o obradoiro coas súas crianzas. Non saberíamos dicir quen o pasou mellor!

Carnaval en Noia

Con motivo de festexar o entroido realizouse unha festa infantil no que os nenos e nenas puideron disfrutar de pintacaras para facer os seus disfraces mais increibles, globoflexia e hinchables todo esto amenizado por un increíble dj.

Un día increíble de carnaval inolvidable!

CHAPANTE

Dende fai unhas semanas acudimos a Cuntis para realizar un Chapante cos membros do programa Habilitas e as nenas do pobo. Hoxe despois de moito traballo e pasalo ben poñemos fin o noso Chapante.
Para quen non coñeza a figura do Chapante ímolo presentar brevemente:
É un mítico personaxe do Entroido de Cuntis, o cal visibiliza as críticas as persoas que optan por vivir de rentas e sen traballar.
O noso Chapante será presentado o vindeiro Venres 24 as 9 da noite, na famosa Gala do Chapante na OMIX.

Campamento de Nadal en Vilagarcía de Arousa

Voltamos outro ano máis ao Campamento de Nadal de Vilagarcía de Arousa, cargadas e cargados de enerxía, ilusión e ganas de xogar.

Nesta edición as nenas e os nenos realizaron diferentes obradoiros nos que fixeron adornos, instrumentos e xoguetes reciclados empregando a súa creatividade, mais non foi todo traballar, xa que realizaron xogos como o grinch, a orquestra ou a araña e shows artísticos a cargo do grupo “tremendo”, bautizado así por elas/es mesmas/os. Tamén houbo tempo para xogar aos inocentes na data da súa celebración.

Como é tradición, demos a benvida ao ano 2023, tomando as “uvas” ao son das campás, facendo unha festa rachada chea de bailes e xogos.

Ademais recolleron os seus desexos nunha carta destinada aos Reis Magos de Oriente.

Vémonos na próximas edicións do campamento, Feliz Ano 2023!!

RECUNCHOS DE NADAL

Órbita Infantil inicia dende hoxe, un ano mais, a súa proposta lúdica e pedagóxica para o programa de conciliación do Concello de Vilagarcía:  Campamento de Nadal.

Coa mesma ilusión de sempre, as crianzas coñecerán e xogarán nos “Recunchos de Nadal”, espazos de aprendizaxe e diversión dedicados á música, ás tradicións, aos personaxes, aos doces e aos obradoiros de Nadal.

As mañás destas vacacións de Nadal converteranse polo tanto, nun tempo para o enriquecemento da aprendizaxe das crianzas dun xeito dinámico, lúdico e participativo, co obxectivo de axudar na conciliación ás familias de Vilagarcía que o precisen.

SAMAÍN EN CUNTIS!

Este luns, en Cuntis tivemos a sorte de celebrar o Samaín con un taller de máscaras terroríficas. Ademais, os nenos e nenas puideron pintar a cara ao seu gusto, para logo coa compañía dos pais/ nais e familia saír a unha procesión, onde percorremos lugares escuros de Cuntis coa iluminación de lanternas e candelabros.

TENEBROSA FESTA DE SAMAÍN!

O pasado venres 28, con motivo do Samaín, en Pontecesures realizouse unha festa para a súa celebración. Os nenos e nenas participaron no concurso de disfraces, e tamén no concurso de cabazas. Ademais, mentres os xoeces do concurso deliberan os gañadores, puidemos degustar dun rico chocolate quente e duns bailes moi divertidos, grazas a música elixida polo DJ. Por último entregaron os premios os gañadores e gañadoras, e un pequeno agasallo para todos e todas as asistentes.