Entradas

FINALIZA O COMEDOR NA ESCOLA UNITARIA DE ORTOÑO

/en /por

Xa chegamos ao mes de xuño e con el damos por finalizado o período de comedor escolar da Escola Unitaria de Ortoño.

Durante este último mes, as nenas e os nenos estiveron do máis entretidos xogando no parque da escola logo de comer e realizar os hábitos de hixiene, xa que o tempo o permitiu.

Leváronse a cabo xogos de todo tipo, pero entre os máis pequenos os que máis destacan son os xogos imaxinativos e xogos tradicionais como o “pilla-pilla”.

Finalizamos dicindo que a empresa ÓRBITA INFANTIL quere agradecer ás e ós participantes que confiaron no noso persoal para facerse cargo deste traballo.

Moitas gracias por todo e esperamos que todo se desenvolvera segundo o esperado.

O MES DE MAIO NO COMEDOR DE ORTOÑO

/en /por

Neste penúltimo mes do curso académico 2018/19 , as nenas e os nenos participantes no comedor xa están esperando con ganas polo período de vacacións.

Aínda que neste mes, os días festivos  polas letras galegas e pola ascensión xa lles axudan a poder descansar para coller con forza a recta final do curso.

Durante este último mes, as nenas e nenos puideron distribuír o seu tempo de lecer tanto coloreando e tendo xogo libre como saíndo a desfrutar do parque.

Nos días nos que a chuvia estaba presente, as e os participantes estiveron dentro do comedor escolar coloreando e poñendo en marcha xogos imaxinativos como o de imaxinar que eran médicas e médicos.

Xa cando o sol saía entre nubes, as nenas e nenos acudían ao parque situado ao aire libre e desfrutaban, sobre todo, co xogo colectivo de 1,2,3, chourizo.

Comeza a recta final…

VOLVEMOS DESPOIS DUNS DÍAS DE VACACIÓNS

/en /por

Durante este último mes, no comedor de Ortoño as nenas e os nenos tiveron varios días de descanso para disfrutar das vacacións de Semana Santa.

Antes de coller os días de descanso, no comedor de Ortoño as rapaces e os rapaces continuaron coas súas rutinas sobre a alimentación e os hábitos de hixiene durante a primeira hora de comedor.

Xa na segunda hora, as pequenas e os pequenos pasaron o tempo entreténdose con xoguetes ou practicando a pintura con ceras. Dependendo das condicións meteorolóxicas, hai días nos que puideron saír o patio e outros nos que se entretiveron dentro do comedor escolar.

E agora toca volver á rutina coas pilas cargadas e con ganas para alimentarse adecuadamente, pasalo ben e, sobre todo, pasar tempo en compañía das súas amigas e dos seus amigos.

O COMEDOR DE ORTOÑO DIVÍRTESE XOGANDO

/en /por

As nenas e os nenos do comedor da Escola Unitaria de Ortoño continúan coas rutinas á hora do xantar. Tras rematar o horario lectivo as máis pequenas e os máis pequenos collen os seus abrigos e as súas mochilas e dispóñense a ir ao comedor para comezar a xantar. Unha vez rematada toda a comida, lavan os dentes, recollen as súas pertenzas e xa están listas e listos para comezar a xogar.

A imaxinación é o recurso lúdico que máis soen utilizar, pois a esas idades a mente humana proporciona infinidade de propostas lúdicas, xa sexa con ou sen material. Un dos xogos que máis soan utilizar é xogar ás mamás e ós papás. Todas e todos se atribúen un papel do ámbito familiar e logo actúan como tales.

Unha curiosidade, tanto as nenas como os nenos están embarazados de xemelgos ou de trillizos.

O COMEDOR DE ORTOÑO DISFRUTA DO SOL

/en /por

Neste mes de febreiro as nenas e os nenos do comedor da escola unitaria de Ortoño estivéronse entretendo realizando xogos tanto no interior do comedor como nas instalacións exteriores.

Antes de poñerse a xogar colleron forzas durante a comida e logo realizaron hábitos de hixiene como lavar as mans e os dentes para logo poñerse mans á obra.

Para entreterse, este grupo de participantes realizou xogos improvisados moi interesantes como simular ser mamás e papás e realizar as funcións que os proxenitores realizan no día a día.

E tamén xogaron ao “1, 2, 3, chourizo”, bailaron ao son de cancións populares con baile incluído,  tiveron sesións de cine…

Que ben o pasan!

COMEZA UN NOVO ANO NA ESCOLA UNITARIA DE ORTOÑO

/en /por

Logo de celebrar as festas de Naval, as e os asistentes ó comedor escolar de Ortoño volven a súa rutina diaria. Foron unhas vacacións moi necesarias para o descanso do 1º trimestre e para poder repoñer forzas de cara os seguintes meses de curso.

Durante o mes de xaneiro as nenas e os nenos puideron desfrutar da comida e logo de actividades de entretemento variadas. Como o tempo atmosférico o permitiu saíron ao parque da escola e realizaron xogos de imaxinación como imaxinar que eran dragóns, xogos cooperativos e xogos mixtos como no caso da construción de castelos de area ou tamén xogos de búsqueda como agochar un obxecto e que os demais integrantes a atopen.

Bo comezo de ano para todas e todos.

O COMEDOR DE ORTOÑO CELEBRA O NADAL

/en /por

Chegou o mes de decembro e con el chega o Nadal. Durante este último mes do ano 2018 as nenas e os nenos estiveron pintando e decorando diversos debuxos navideños que se utilizaron para decorar o seu comedor. Cada integrante pintou algún debuxo individualmente, pero tamén fixeron unha árbore en grupo.

Ademais desta actividade, as nenas e os nenos tamén realizaron xogos cooperativos e, sobre todo, xogos imaxinativos, por exemplo, imaxinaban que eran  médicas e médicos.

Unha vez ó mes, aproximadamente, tiveron unha sesión de cine na que puideron distraerse con debuxos animados. Que emoción!

E como non, mantiveron a súa rutina e estiveron comendo e realizando os hábitos de hixiene.

COMEZA A AVENTURA NA ESCOLA UNITARIA DE ORTOÑO

/en /por

Durante este curso escolar estaremos prestando servicio no comedor da Escola Unitaria de Ortoño.  Esta iniciativa posta en marcha polas nais e pais tivo moi boa acollida entre os asistentes, posto que estan encantados.

Durante estes primeiros meses de clase tiveron tempo para coñecerse, comer e tamén para xogar. O que pretende en todo momento é que coman pero que tamén estean a gusto e se divirtan.

Como o tempo foi favorable estes días puideron gozar de tempo de lecer no parque da escola, desfrutando do aire libre e dos diversos xoguetes que se encontran nas instalacións.