Adeus, Adeus, ata a próxima!
Está semana puxemos fin a edición “O Camiño de Santiago” do Campamento Urbano de Verán. Durante estes últimos días, as cativas e os cativos traballaron arreo no decorado da festa final, a Catedral de Santiago.
Así mesmo, tiveron tempo para desfrutar coas súas compañeiras e compañeiros realizando xogos nos que participaron todas as nenas e nenos do campamento, como: pintar con xiz; pato choco; come cocos; as agachadas; facer pompas con xabón…entre outros.
Para poñer fin a todas estas semanas que compartimos xuntos, desfrutaron dunha festa de disfraces, na que houbo baile, xogos deportivos variados, pinta caras e entrega de premios, onde finalmente puideron levar cubertas as súas credencias de peregrino.
Adeus! Bo verán! E esperarmos vervos nas próximas edicións do Campamento de Verán de Vilagarcía.
O Camiño de Vilagarcía
Nestes últimos días as nenas e nenos do campamento fixeron un percorrido en tren polos sitios de Vilagarcía polos que pasa o Camiño de Santiago. Pasárono en grande, visitando sitios coñecidos e non tan coñecidos por elas e eles.
Ademais, realizáronse diferentes obradoiros onde deseñaron a súa Cunchiña, a mascota do camiño, un imán, e fixeron una harmónica.
Entre tanto, tamén houbo tempo para falar de temas que preocupan as pequenas e pequenos, como os incendios destes días, deste xeito para ampliar a información das cativas e dos cativos, así como para xerar actitudes responsables, leron un conto relacionado coa temática.
Así mesmo, houbo tempo para o xogo, incluíndo bailes; xincanas; xogos populares…
A maxia do Camiño
Nesta nova semana as nenas e nenos do campamento de verán tiveron un obradoiro sobre o coidado do medio ambiente, explicóuselles a importancia do coidado da natureza e dos animais visualizando finalmente un fragmento da película “Bichos”.
Tamén foi una semana de despedidas xa que algunhas nenas e nenos finalizaron o seu paso polo campamento, polo que lles fixemos un pequeno agasallo de despedida, un libro con debuxos das súas compañeiras e compañeiros.
Ademais quixemos deixar a nosa pegada simbólica no camiño, para elo pintamos os pés forrados de papel de burbullas para deixar constancia do noso paso. Deste xeito pouco a pouco as nosas peregrinas e peregrinos van enchendo de selos a súa credencial de peregrino.
Como sempre, estas actividades están integradas na realización de xogos deportivos, como xincanas, carreiras de relevos, xogos con auga, pinta caras…
Un paseo polas letras
Nesta nova semana as nenas e nenos do Campamento de Vilagarcía fixeron una visita a biblioteca, o que lles permitiu coñecela e desfrutar dun contacontos con maxia, música e humor.
Tamén fixeron xogos interxeneracionais como a petanca ou o peletre, e construíron o seu teléfono de “última xeración” con iogures e lá. Non só iso, tamén tiveron un obradoiro sobre comida saudable, onde se falou das comidas do Camiño de Santiago e cada nena e cada neno contou cal era o seu prato preferido para facer de forma conxunta un mantel de pícnic.
Por suposto, realizaron diferentes xogos cooperativos como: pato choco, escondite inglés, director de orquestra ou o comecocos, entre outros.
Somos peregrinos e peregrinas
Esta semana as nenas e nenos do campamento de Vilagarcía convertéronse en peregrinas e peregrinos e fixeron o seu percorrido polos albergues, tamén coñeceron a Cunchiña e Pelegrín, as mascotas do Xacobeo, dos que despois fixeron debuxos e murais.
Tiveron a oportunidade de coñecer unha noite máxica no camiño, a través dun obradoiro onde se lles ensinaron diferentes constelacións. Ademais, no taller de igualdade realizaron un contacontos e entre todas a todos deron vida á personaxe principal do libro.
Entre tanto obradoiro, fixeron tamén xogos: xincanas; a pataca quente; terra, mar e aire; onde está…; pato-oca; adiviña quen…nos que se incluíron xogos con auga para que as nosas peregrinas e peregrinos chegasen ben hidratadas e hidratados os seus albergues.
Campamento Urbano de Verán de Vilagarcía
Benvidas e benvidos!
Un ano máis damos comezo ó Campamento Urbano de Verán de Vilagarcía.
Esta semana as nenas e nenos comezaron a incorporarse ó campamento e descubriron a temática que nos acompañará nas próximas semanas… O Camiño de Santiago! Deste xeito as cativas e os cativos serán peregrinos que irán descubrindo as marabillas do Camiño.
Nestes primeiros días fixeron murais, construcións con caixas, estiveron na procura do Códice Calixtino, decoraron a súa propia cuncha de peregrino e tiveron moitos xogos deportivos. Pero non todo foi traballar, tamén puideron desfrutar dunha refrescante festa da auga nestes calorosos días.
